Hanuman Chalisa ka paath bhakton ke liye shakti aur vishwas ka srot mana jata hai. Isse negative energy door hoti hai, manobal badhta hai aur har mushkil aasaan ban jati hai. Yeh pavitra stotra jeevan mein shanti, suraksha aur safalta lane mein madad karta hai.
॥ दोहा ॥
श्रीगुरु चरन सरोज रज, निज मनु मुकुरु सुधारि।
बरनऊं रघुबर बिमल जसु, जो दायकु फल चारि।।
बुद्धिहीन तनु जानिके, सुमिरौं पवन-कुमार।
बल बुद्धि बिद्या देहु मोहिं, हरहु कलेस बिकार।।
॥ चौपाई॥
जय हनुमान ज्ञान गुन सागर।
जय कपीस तिहुं लोक उजागर।।
रामदूत अतुलित बल धामा।
अंजनि-पुत्र पवनसुत नामा।।
महाबीर बिक्रम बजरंगी।
कुमति निवार सुमति के संगी।।
कंचन बरन बिराज सुबेसा।
कानन कुंडल कुंचित केसा।।
हाथ बज्र औ ध्वजा बिराजै।
कांधे मूंज जनेऊ साजै।
संकर सुवन केसरीनंदन।
तेज प्रताप महा जग बन्दन।।
विद्यावान गुनी अति चातुर।
राम काज करिबे को आतुर।।
प्रभु चरित्र सुनिबे को रसिया।
राम लखन सीता मन बसिया।।
सूक्ष्म रूप धरि सियहिं दिखावा।
बिकट रूप धरि लंक जरावा।।
भीम रूप धरि असुर संहारे।
रामचंद्र के काज संवारे।।
लाय सजीवन लखन जियाये।
श्रीरघुबीर हरषि उर लाये।।
रघुपति कीन्ही बहुत बड़ाई।
तुम मम प्रिय भरतहि सम भाई।।
सहस बदन तुम्हरो जस गावैं।
अस कहि श्रीपति कंठ लगावैं।।
सनकादिक ब्रह्मादि मुनीसा।
नारद सारद सहित अहीसा।।
जम कुबेर दिगपाल जहां ते।
कबि कोबिद कहि सके कहां ते।।
तुम उपकार सुग्रीवहिं कीन्हा।
राम मिलाय राज पद दीन्हा।।
तुम्हरो मंत्र बिभीषन माना।
लंकेस्वर भए सब जग जाना।।
जुग सहस्र जोजन पर भानू।
लील्यो ताहि मधुर फल जानू।।
प्रभु मुद्रिका मेलि मुख माहीं।
जलधि लांघि गये अचरज नाहीं।।
दुर्गम काज जगत के जेते।
सुगम अनुग्रह तुम्हरे तेते।।
राम दुआरे तुम रखवारे।
होत न आज्ञा बिनु पैसारे।।
सब सुख लहै तुम्हारी सरना।
तुम रक्षक काहू को डर ना।।
आपन तेज सम्हारो आपै।
तीनों लोक हांक तें कांपै।।
भूत पिसाच निकट नहिं आवै।
महाबीर जब नाम सुनावै।।
नासै रोग हरै सब पीरा।
जपत निरंतर हनुमत बीरा।।
संकट तें हनुमान छुड़ावै।
मन क्रम बचन ध्यान जो लावै।।
सब पर राम तपस्वी राजा।
तिन के काज सकल तुम साजा।
और मनोरथ जो कोई लावै।
सोइ अमित जीवन फल पावै।।
चारों जुग परताप तुम्हारा।
है परसिद्ध जगत उजियारा।।
साधु-संत के तुम रखवारे।
असुर निकंदन राम दुलारे।।
अष्ट सिद्धि नौ निधि के दाता।
अस बर दीन जानकी माता।।
राम रसायन तुम्हरे पासा।
सदा रहो रघुपति के दासा।।
तुम्हरे भजन राम को पावै।
जनम-जनम के दुख बिसरावै।।
अन्तकाल रघुबर पुर जाई।
जहां जन्म हरि-भक्त कहाई।।
और देवता चित्त न धरई।
हनुमत सेइ सर्ब सुख करई।।
संकट कटै मिटै सब पीरा।
जो सुमिरै हनुमत बलबीरा।।
जै जै जै हनुमान गोसाईं।
कृपा करहु गुरुदेव की नाईं।।
जो सत बार पाठ कर कोई।
छूटहि बंदि महा सुख होई।।
जो यह पढ़ै हनुमान चालीसा।
होय सिद्धि साखी गौरीसा।।
तुलसीदास सदा हरि चेरा।
कीजै नाथ हृदय मंह डेरा।।
॥ दोहा ॥
पवन तनय संकट हरन, मंगल मूरति रूप।
राम लखन सीता सहित, हृदय बसहु सुर भूप।।
Hanuman chalisa lyrics in English
|| Doha ||
Shri Guru Charan Saroj Raj, Nij Manu Mukuru Sudhari.
Barnau Raghuvar Bimal Jasu, Jo Dayaku Phal Chari.
Buddhi-Heen Tanu Janike, Sumirau Pavan-Kumar.
Bal Buddhi Bidya Dehu Mohi, Harahu Kales Bikar.
|| Chaupai ||
Jai Hanuman Gyan Gun Sagar.
Jai Kapis Tihun Lok Ujagar...
Ramdoot Atulit Bal Dhama.
Anjani-Putra Pavansut Nama...
Mahabir Bikram Bajrangi
Kumati Nivar Sumati Ke Sangi...
Kanchan Baran Biraj Subesa.
Kanan Kundal Kunchit Kesa...
Hath Bajra Au Dhvaja Birajai.
Kandhe Moonj Janeu Sajai...
Sankar Suvan Kesarinandan.
Tej Pratap Maha Jag Bandan...
Bidyavan Guni Ati Chatur.
Ram Kaj Karibe Ko Aatur...
Prabhu Charitra Sunibe Ko Rasiya.
Ram Lakhan Sita Man Basiya...
Sukshma Roop Dhari Siyahin Dikhava.
Bikat Roop Dhari Lanka Jarava...
Bheem Roop Dhari Asur Sanhare.
Ramachandra Ke Kaj Sanvare...
Lay Sajivan Lakhan Jiyaye.
Shri Raghubir Harashi Ur Laye...
Raghupati Keenhi Bahut Badai.
Tum Mam Priya Bharatahi Sam Bhai...
Sahas Badan Tumharo Jas Gavain.
As Kahi Shripati Kanth Lagavain...
Sanakadik Brahmadi Munisa.
Narad Sarad Sahit Ahisa...
Jam Kuber Digpal Jahan Te.
Kabi Kobid Kahi Sake Kahan Te...
Tum Upkar Sugrivahin Keenha.
Ram Milay Raj Pad Deenha...
Tumharo Mantra Bibhishan Mana.
Lankesvar Bhaye Sab Jag Jana...
Jug Sahasra Jojan Par Bhanu.
Leelyo Tahi Madhur Phal Janu...
Prabhu Mudrika Meli Mukh Maheen.
Jaladhi Langhi Gaye Achraj Naheen...
Durgam Kaj Jagat Ke Jete.
Sugam Anugrah Tumhre Tete...
Ram Duare Tum Rakhvare.
Hot Na Agya Binu Paisare...
Sab Sukh Lahai Tumhari Sarna.
Tum Rakshak Kahu Ko Dar Na...
Aapan Tej Samharo Aapai.
Teenon Lok Hank Te Kanpai...
Bhoot Pisach Nikat Nahin Aavai.
Mahabir Jab Nam Sunavai...
Nasai Rog Harai Sab Peera.
Japat Nirantar Hanumat Beera...
Sankat Te Hanuman Chhudavai.
Man Kram Bachan Dhyan Jo Lavai...
Sab Par Ram Tapasvi Raja.
Tin Ke Kaj Sakal Tum Saja...
Aur Manorath Jo Koi Lavai.
Soi Amit Jivan Phal Pavai...
Charon Jug Partap Tumhara.
Hai Parasiddha Jagat Ujiyara...
Sadhu-Sant Ke Tum Rakhvare.
Asur Nikandan Ram Dulare...
Ashta Siddhi Nau Nidhi Ke Data.
As Bar Deen Janki Mata...
Ram Rasayan Tumhre Pasa.
Sada Raho Raghupati Ke Dasa...
Tumhre Bhajan Ram Ko Pavai.
Janam-Janam Ke Dukh Bisravai...
Antakal Raghubar Pur Jai.
Jahan Janma Hari Bhakta Kahai...
Aur Devta Chitta Na Dharai.
Hanumat Sei Sarb Sukh Karai...
Sankat Katai Mitai Sab Peera.
Jo Sumirai Hanumat Balbeera...
Jai Jai Jai Hanuman Gosain.
Kripa Karahu Gurudev Ki Nain...
Jo Sat Bar Path Kar Koi.
Chhutahi Bandi Maha Sukh Hoi...
Jo Yah Padhai Hanuman Chalisa.
Hoy Siddhi Sakhi Gaurisa...
Tulsidas Sada Hari Chera.
Keejai Nath Hriday Mah Dera...
|| Doha ||
Pavan Tanay Sankat Haran, Mangal Murti Roop.
Tags:
Chalisa
